| Admin_ninuca | თარიღი: ხუთ, 2012.12.13, 22:58 | შეტყობინება # 1 |
 სერჟანტი
ჯგუფი: Administrators
შეტყობინებები: 21
სტატუსი: Offline
| 
ბრიტანული ტაბლოიდური გამოცემის The Sun ჟურნალისტებმა, როგორც ლონდონის ოლიმპიური თამაშების მასპინძლებმა, შეადგინეს მსოფლიო სპორტის ყველაზე მიმზიდველ წარმომადგენელთა ნუსხა.
ერთგვარი რეიტინგის შემდგენლები აღნიშნავენ, რომ მსოფლიოს უძლიერეს ქალბატონთა თუ საქალბატონეთა შერჩევა არცთუ იოლი იყო, მაგრამ ის ვინც შეირჩა ბევრის გულს დაიპყრობსო.
ლერინ ფრანკო. მოდელი და პარაგვაის ვიცე-მისი. განსაცვიფრებელი სილამაზის შუბის მტყორცნელი, პეკინის ოლიმპიურ თამაშებზე ახლოს იყო ოქროს მედალთან, მაგრამ საბოლოოდ ხელომოცარული დარჩა. ჟურნალ Sports Illustrated-ში გამოქვეყნებულმა თამამმა ფოტოები ბევრს სალაპარაკო მისცა.
ფრანჩესკა პიჩინინი. 33 წლის წლის სექსუალურ ფრენბურთელს სამ ოლიმპიურ თამაშებზე და ოთხ მსოფლიო ჩემპიონატზე ასპარეზობის გამოცდილება აქვს. მის საჩემპიონო ყულაბაში რამდენიმე ოქროს მედალი ჩხრიალებს. ამასთან აქვს Men’s Health და Playboy-ის კალენდრებისთვის არაერთხელ გაშიშვლებულა.
სტეფანი რაისი. ავსტრალიელი მოცურავის შერმხედვარეს თავადაც მოუნდება აუზში ჩახტომის სურვილი. 24 წლის მოცურავემ პეკინის ოლიმპიურ თამაშებზე სამი ოქროს მედალი დაისაკუთრა და გზად სამი მსოფლიოს რეკორდიც დაამხო.
ჯესიკა ენისი. შეფილდის მკვიდრისთვის ლონდონის ოლიმპიური თამაშები სადებიუტოა. შვიდჭიდელი ჯესიკა ბრიტანეთის სიამაყე და ოლიმპიური იმედია. ევროპის ყოფილმა ჩემპიონმა ჰელსინკის ევროპის ჩემპიონატზე ტიტულის დაცვაზე უარი თქვა, რათა ლონდონის თამაშებს ოპტიმალურ ფორმაში შეხვედროდა.
ელენა ისინბაევა. რუსმა ჭოკით მხტომელმა ათენისა და პეკინის ოლიმპიურ თამაშებზე ოქროს მედლები დაისაკუთრა და ახლა იგივეს გაკეთებას უკვე მესამედ ლონდონშიც შეეცდება. რუსული ჯარის ყოფილ ოფიცერს აქვს მაგისტრის ხარისხი. სწავლას აგრძელებს უკრაინის ერთ-ერთ უნივერსიტეტში. მომნუსხველი გარეგნობის, ცოდნის და სპორტული მიღწევების წყალობით ელენემ მსოფლიო სპორტი მოაჯადოვა.
ვიქტორია პენდლტონი. პეკინის ოლიმპიურ თამაშებზე 31 წლის ბრიტანელმა ველოსიპედისტმა პირად პირველობაში ოქროს მედალი მოიპოვა. ჩემპიონობასთან ერთად ალბიონელმა საქალბატონემ პირადი მწვრთნელი სკოტ გარდნერის გულიც დაიპყრო, რომელიც დღეს მისი საქმროა.
ანა ივანოვიჩი. როდესაც გარეგნობაზე საუბრობენ, სერბ ჩოგბურთელს კოლეგებს შორის პირველ ნომრად მოიხსენიებენ. 24 წლის ეშხიანმა შავგვრემანმა წლეულს უიმბლდონის საჩოგბურთო ტურნირზე მეოთხე წრემდე გაიკვალა გზა, მაგრამ უფრო მეტი თაყვანისმცემელი შეიძინა.
კაროლინ ვოზნიაცკი. დანიელი ჩოგბურთელი WTA რეიტინგში პირველი ჩოგნის სტატუსით სარგებლობდა. მრავალმხრივ დაჯილდოვებული ქერა ლამაზმანი თავისუფალ დროს ხელბურთით, ფეხბურთითა და ცურვით იქცევს თავს. ახლახანს კი ქვედა საცვლების საკუთარი ხაზის გამოშვებას მიჰყო ხელი.
მელანი ადამსი. ავსტრალიელი ჭოკითმხტომელი ლონდონის ოლიმპიურ თამაშებზე არაერთს აუჩქარებს გულისცემას. 11 წლის ასაკიდან ჭოკით ხტომაზე შეყვარებულ მელანის შანსი ჰქონდა პეკინის თამაშებზე ოქროს მედლისთვის ებრძოლა, მაგრამ ფეხზე მიღებული ტრავმის გამო, ასეთი შესაძლებლობის გარეშე დარჩა.
მისტი მეი-ტრეინორი. არის საშიშროება, რომ უამინდობის გამო პლაჟფრენბურთელებს ბიკინების ნაცვლად მოედანზე გასვლა მოუწიოთ მაისურებით. 34 წლის მისტის თაყვანისმცემლები ახლა იმაზე ლოცულობენ, რომ ლონდონში იყოს აუტანელი სიცხე.
NiiN =]] :P :*:*
|
| |
| |
